XO醬點解唔叫AB醬？唔叫XY醬？

XO醬點解唔叫AB醬？唔叫XY醬？

XO醬係一種起源於香港嘅調味料，1970年代，香港經濟起飛，生活開始富裕起嚟，隨之而嚟嘅就係市民對物質上嘅追求，因此有大量外國名酒輸入香港，其中干邑白蘭地嘅X.O Extra Old就最為人熟悉，屬於特級靚酒。

因此，加上X.O兩字嘅產品自然帶比人一種高貴而頂級嘅感覺。

XO醬嘅材料
包含干貝（江瑤柱）、乾蝦等名貴食材，加上製作時工序相當講究，所以通常只會喺高級酒家見到，因此呢種醬料就被稱為X.O醬。

– 直至九十年代，李錦記開始研發呢種醬料並喺市場出售，令消費者可以將呢樽矜貴嘅調味料帶返屋企慢慢享用，漸漸地，連澳門大街小巷嘅食肆都可以揾到好多以XO醬命名嘅菜式。

XO醬款式
時至今日， XO醬嘅款式越出越多，橄欖油XO醬﹑極品鮑魚XO醬，更有Chef Le Mon嘅櫻花蝦XO醬！