interest

市場普遍預期美國聯儲局於9月份加息，而不少銀行已率先係近期上調存款同貸款利率。 利率對於金融市場有如地心引力，當利率上升既時候，任何風險資產(包括股票及房地產)，按理都應該下跌； 想知點用一個簡單既利率指標黎為大市評價估值高低？ 好，既然各位對於利息(interest)咁有(interest)，咁就一齊試試呢個簡單但又理據十足既方法啦。 首先，金融市場一般會用發達國家的中長期國債，作為資產投資回報率起點，亦即是所謂既無風險回報率(Risk-Free Rate)，一般最常用既例子係美國10年期國債收益率，而現時佢既收益率大概係3%； 係大市方面，恆指係約28,000以上水平既P/E約為12倍，我地將P/E轉做E/P(即1/12)，又叫做盈利收益率(Earning Yield)為8.3%，所以我地知道現時港股的風險溢價水平(即兩者之差)約係5.3%，而港股今年1月高位既時候，呢個價差只有約2.7%； 總括而言，呢個簡單的既方法說明左兩點： 1）港股依家既估值水平係相對便宜的； 2）港股來緊既走勢，好大機會取決於加息進度，以及風險價差所代表的市場情緒。